Нөхөн төлбөр олгох нөхцөл
- Даатгалын гэрээ;
- Даатгуулагчийн өргөдөл буюу нөхөн төлбөрийн нэхэмжлэл;
- Эмнэлгийн байгууллагын онош, магадалгаа дүгнэлт, өвчтөний амбулаторийн карт;
- Ковид-19-ийн шинжилгээ хийлгэсэн эмнэлгийн баримт;
- Зайлшгүй эмчилгээ оношлогоо, тээвэрлэлттэй холбоотой гарсан зардлын төлбөрийн баримтууд;
- Нэмэлт хамгаалалтын зардлуудыг шийдвэрлэхэд дараах материалыг үндэслэнэ. Үүнд:
- Тээврийн байгууллагаас нислэг саатсан тухай бичиг баримт болон унаа, зочид буудал, хоолны зардлын баримт;
- Тээврийн байгууллагаас ачаа тээш саатсан тухай бичиг баримт;
- Хууль, шүүхийн байгууллагын хариуцлага алдсан тухай холбогдох байгууллагуудаас бүрдүүлсэн бичиг баримт;
- Гадаад паспорт, жолооны үнэмлэхээ алдсан тохиолдолд эргүүлэн сэргээхэд гаргасан зардлын баримт;
- Холбогдох хохирол, зардлыг тодорхойлох цагдаагийн байгууллагын мэдүүлэг, тодорхойлолт;
- Даатгуулагчийн гэр бүлийн гишүүн нас барсны улмаас даатгуулагч эх орондоо яаралтай буцсан тохиолдолд тухайн нас барсан гишүүний нас барсан гэрчилгээ, нисэх онгоцны энгийн ангилал (экономи)-ын суудлын нэг талын нислэгийн тасалбар худалдан авсан баримт.
- Даатгалын тохиолдол бий болж, нөхөн төлбөр хүссэн нэхэмжлэл, гэрээнд заасан баримтыг бүрэн хүлээн авснаас хойш ажлын 15 (арван тав) хоногийн дотор нөхөн төлбөрийг шийдвэрлэнэ.
- Даатгагч нөхөн төлбөртэй холбоотой нэмэлт баримт бичиг, тодруулга шаардлагатай тохиолдолд дээрх хугацааг сунгаж болно.
- Даатгуулагч нь гадаад улсад аялж байх хугацаанд гэнэтийн өвчлөлд нэрвэгдэх, гэнэтийн осолд орсны улмаас эмнэлэгт хэвтэж эмчлүүлэх, мэс засал хийлгэх, эмчийн зааврын дагуу хэрэглэсэн эм тарианы зайлшгүй зардлуудыг даатгуулагчийн сонгосон багцад заасан хязгаар хүртэлх дүнгээр нөхөн төлбөрийг олгоно.
- Даатгуулагчийн өөрийн хүлээх хариуцлагын хэмжээ даатгалын тохиолдол бүрт 50 (тавь) ам.доллар байна.
- Даатгуулагчаас хүлээн авсан өргөдөл материал нь гэрээт баталгаанд заасан нотлох баримтын шаардлага хангахгүй дутуу, эргэлзээтэй байх тохиолдолд тусгай эрх бүхий байгууллага мэргэжилтэнд хандаж дүгнэлт гаргуулах, эсвэл эрх бүхий байгууллага хянаж шалгаж шийдвэр гаргаагүй байгаа тохиолдолд гэрээт баталгаанд заасан нөхөн төлбөр олгох хугацаа үйлчлэхгүй.
- Даатгалын хугацаанд олгогдох нийт нөхөн төлбөрийн хэмжээ даатгалын гэрээний үнэлгээ, нөхөн төлбөрийн хязгаараас хэтрэхгүй байна.
- Шүдний зайлшгүй эмчилгээний зардал: Даатгуулагч эрүүл шүдээ гадны хүчин зүйлийн нөлөөллөөр гэмтээсний улмаас яаралтай эмчлүүлэх болсон тохиолдолд даатгуулагчийн сонгосон багцад заасан хэмжээгээр нөхөн төлбөрийг олгоно. Энэхүү хамгаалалт нь гэмтсэн шүдний өвчин намдаах, халдварыг эмчлэх болон шүд авахуулах зэрэг эмчилгээгээр хязгаарлагдана.
- Даатгуулагчийн эх орондоо яаралтай буцах замын зардал: Даатгуулагчийн гэр бүлийн гишүүдээс нас барсан тохиолдолд Даатгуулагч аяллаа яаралтай зогсоон улмаар өөрийн тээврийн хэрэгслээр эсвэл ирсэн маршрутын дагуу буцах боломжгүй болсон тохиолдолд нутаг орондоо буцах аяллын зардлыг даатгуулагчийн багцад заасан хэмжээгээр Даатгагч төлнө.
